ഇതൊന്നും ശ്രദ്ധിക്കാതെ നാമെവിടേക്കാണ് കുതിക്കുന്നത്?

February 23, 2020

മതം അടിസ്ഥാനമാക്കി നമ്മുടെ രാജ്യം പൗരത്വത്തിനൊരുങ്ങുകയാണ്. അത്യന്തം അപകടകരമായ സാഹചര്യത്തിലേക്ക് രാഷ്ട്രത്തെ ലോകസഭ തിരഞ്ഞെടുപ്പോടെ നയിക്കാനാണ് RSS അജണ്ട. കമ്യൂണിസ്റ്റ്കാരുടെ മാത്രം ഉത്തരവാദിത്വമായി പ്രതിഷേധങ്ങൾ മാറരുത്.

കേരളത്തിലെ അധികാര വെറിയുള്ള കോൺഗ്രസ്സ് സംഘപരിവാരറജണ്ട നടപ്പാക്കുന്നുവെങ്കിലും, ദേശിയ തലത്തിൽ സി.പിഐ(എം)ന്റെയും ഇടതുപക്ഷത്തിന്റേയും നയങ്ങൾ അതേ പടി പകർത്താനുള്ള ശ്രമത്തിലാണ് കോൺഗ്രസ്സ്.

ഒരു പക്ഷേ ഇടതുപക്ഷ ആശയങ്ങളുടെ ജനകീയ സ്വാധീനം തിരിച്ചറിഞ്ഞുള്ള അധികാര ലബ്ദിക്കായുള്ള ഗൂഢമായ പരിശ്രമമായിരിക്കാം ഇത്. അല്ലെങ്കിൽ കോൺഗ്രസ്സിന്റെ പല നേതാക്കളും മുൻപ് തിരിച്ചറിഞ്ഞത് പ്രകാരം പറഞ്ഞതുപോലെ “ഇടതുപക്ഷത്തിന് ഇന്ത്യയിൽ എന്ത് പ്രസക്തി എന്നല്ല – ഇടതുപക്ഷമില്ലാത്ത ഇന്ത്യയുടെ നിലനിൽപ്പാണ് പ്രശ്നം ” എന്ന ബോധ്യപ്പെടൽ തങ്ങളാണ് ഇടതുപക്ഷം’ എന്ന മേൽവിലാസത്തിലേക്കെത്താനുള്ള സാഹചര്യത്തിലേക്ക് കോൺഗ്രസ്സിനെ കൊണ്ടുവന്നെത്തിച്ചിരിക്കുന്നു.

ഏത് നിലയിലായാലും ഇടതുപക്ഷത്തിന്റെ പ്രസക്തി വർദ്ധിച്ചതായി സകലതുറകളിലും അനുഭവപ്പെടുന്നത് വർത്തമാനകാല ബോധ്യമാണ്. അങ്ങിനെ വരാത്തവർ തികഞ്ഞ സാമൂഹിക നിരക്ഷരരാണെന്നർത്ഥം. ഈ ബോധരഹിതമായ സാമൂഹിക അഞ്ജത അവനവനിസത്തിന്റെ സന്ദതികളാണ്. പക്ഷേ അത് അവരവരടങ്ങുന്ന നാമടങ്ങുന്ന സമൂഹത്തിന്റെ ഗുരുതരാവസ്ഥയിലേക്ക് കാര്യങ്ങൾ കൊണ്ടെത്തിക്കും.

പറയാനാഗ്രഹിച്ച കാര്യം

ഇന്ത്യൻ ഭരണഘടനയുടെ അടിസ്ഥാനത്തെ ചോദ്യം ചെയ്താണ് പൗരത്വ ഭേദഗതി ബിൽ ലോകസഭ ചൊവ്വാഴ്ച്ച പാസാക്കിയത്. സെക്യുലിറസം നിലകൊള്ളുന്ന രാഷ്ട്രത്തിൽ മതത്തിന്റെ പേരിൽ പൗരത്വം പരിശോധിക്കാനുള്ള നിയമമാണ് എതിർപ്പുകളെ വകവെക്കാതെ ബി.ജെ.പി നടപ്പാക്കിയത്. വർഗ്ഗീയ ഭ്രാന്തന്മാരായ അണികളെ രാഷ്ട്രത്തെ അപകടപ്പെടുത്തി ആവേശഭരിതരാക്കാനുള്ള തിടുക്കത്തിലാണ് ബി.ജെ.പി,

അസം ഗണപരിഷത്ത് ബി.ജെ.പിയുമായുളള സംഖ്യം ഉപേക്ഷിച്ചു. മേഘാലയയിൽ സംസ്ഥാന സർക്കാർ ബില്ലിനെതിരെ പ്രമേയം പാസാക്കി, വടക്കുകിഴക്കൻ സംസ്ഥാനങ്ങൾ ഉയർന്ന പ്രതിഷേധവും ആശങ്കയും ഉയർത്തി. സംസ്ഥാനങ്ങൾ സന്ദർശിച്ച സമിതിയോട് സംസ്ഥാനങ്ങൾ പ്രതിഷേധമറിയിച്ചു. ഗുജറാത്ത്, രാജസ്ഥാൻ എന്നിവിടങ്ങളിൽ രൂക്ഷമായ പ്രതിഷേധം രൂപപ്പെട്ടു. സമിതിയിൽ അംഗങ്ങളായിരുന്ന സി.പിഐ(എം), തൃണമൂൽ, സമാജ് വാദി പാർട്ടി എന്നിവർ ബില്ലിനായുള്ള സമിതിയിൽ തന്നെ വിയോചിപ്പറിയിച്ചു. ഇവയൊന്നും പരിഗണനയിലേ വരുന്നില്ല.

ഇവിടെയാണ് പ്രശ്നം

ബംഗ്ലാദേശ്,പാക്കിസ്ഥാൻ, അഫ്ഗാനിസ്ഥാൻ, എന്നീ രാഷ്ട്രങ്ങളെ പ്രതിബാധിച്ചാണ് ബിൽ. മൂന്ന് രാഷ്ട്രങ്ങൾക്കൊപ്പം, ഹിന്ദു, ജൈന, സിഖ്, ക്രിസ്ത്യൻ, ബുദ്ധ, പാഴ്സി എന്നീ ആറ് സമുദായങ്ങളെ കുറിച്ചും പറയുന്നു. മേൽ സൂചിപ്പിച്ച രാഷ്ട്രങ്ങളിലെ മേൽ സമുദായാംഗങ്ങൾക്ക് ഇന്ത്യൻ പൗരത്വം ഉറപ്പു വരുത്തും എന്നാണ് പറഞ്ഞ് വയ്ക്കുന്നത്. അതായത് കുടിയേറ്റക്കാരെന്ന് പറയുന്ന ഈ വിഭാഗത്തിലെ മനുഷ്യരെ പരിശോധിച്ച് മുസ്ലീംങ്ങളെ മുഴുവനായി പൗരത്വത്തിൽ നിന്ന് ഒഴിവാക്കും എന്നതാണിതിന്റെ മറുവശം. ലോകസഭ തിരഞ്ഞെടുപ്പിന് മുൻപ് വലിയ കലാപത്തിലേക്ക് ഭിന്നിപ്പിലേക്ക് രാജ്യത്തെ എത്തിക്കാനുള്ള ആസൂത്രണ പദ്ധതിയാണ് കേന്ദ്ര സർക്കാർ നടപ്പാക്കുക.

മറയിട്ട് സാമ്പത്തികസംവരണം

മേൽ പറഞ്ഞ അജണ്ടകളെ ചർച്ചകളിൽ നിന്നും മാധ്യമങ്ങളിൽ നിന്നും മറച്ച് പിടിക്കാനാണ്. മുന്നോക്കക്കാരിലെ പിന്നോക്കക്കാർക്കും സാമ്പത്തികയടിസ്ഥാനത്തിൽ സംവരണം എന്ന ബിൽ സ്വർണാക്ഷരത്തിൽ പൊതിഞ്ഞ് പൊതു നിരത്തിലിറക്കിയത്. തീർച്ചയായും ഏത് സമുദായത്തിൽ ജനിച്ചാലും ദരിദ്രന് ലഭിക്കേണ്ട സാമൂഹിക നീതി ഉറപ്പ് വരുത്തണം. തീർച്ചയായും നടപ്പാക്കപ്പെടേണ്ടതാണ്.

നടപ്പാക്കുന്നത്_അങ്ങിനെയല്ല

ഹിന്ദു വിഭാഗത്തിലുള്ളവരുടെ സംരക്ഷകരാണ് എന്ന് വരുത്തി തീർത്ത്. നിലവിലെ സംവരണ സംവിധാനത്തെ കീഴ്മയിൽ പൊളിച്ച് കളഞ്ഞ് സംവരണത്തിന്റെ ഗുണം തന്നെ ഇല്ലാതാകാനാണ് പോകുന്നത്

1)രണ്ടര ലക്ഷംരൂപയിലേറെ വരുമാനമുള്ളവർ ആദായ നികുതിയടക്കുമ്പോഴാണ് സംവരണത്തിന് എട്ട് ലക്ഷം രൂപ വരെ വരുമാന പരിധി നിശ്ചയിച്ചിരിക്കുന്നത്.
2)അതായത് 66,666 രൂപ പ്രതിമാസ വരുമാനമുള്ളവർക്കും സംവരണം ലഭിക്കും.
3) അതി സംബന്നരൊഴികെയുള്ള എല്ലാപേരും ഇനി സംവരണക്കാരാകും.
4) അതായത് 100 ൽ 90 പേർക്കും സംവരണം. തത്വത്തിൽ ആർക്കും സംവരണമില്ല എന്നർത്ഥം.
5) അതേ സമയം സ്വകാര്യ വരുമാന പരിധി നിചപ്പെടുത്തി സ്വകാര്യ മേഖലയിലേക്കും സംവരണം വ്യാപിപ്പിക്കാൻ ലോകസഭയിൽ ഇളമരം കരീം, എം.ബി.രാജേഷ് എന്നിവരുടെ നേതൃത്വത്തിൽ സിപി.ഐ(എം) ആവശ്യപ്പെട്ടപ്പോൾ വോട്ടിനിട്ട് നിസാരമായി തള്ളിക്കളഞ്ഞു.

മേലങ്കി പുതച്ച് ബില്ലുകൾ, കൂടെ കരിം പടത്തിലൊളിച്ച് ഒളി ബില്ലുകൾ……. ഇവ കാണാതെ പോകുന്നത്. നാമോരുരുത്തരേയും, വീണ്ടും അടിമ തുല്യരാക്കും.
KFC യിലും BBQ വിലും ലഹരിപിടിച്ചോളൂ… അതും വേണം
നാടറഞ്ഞില്ലെങ്കിലതൽപ്പകാലാനന്ദത്തിനുപരി,
നിത്യ നിരന്തര ഗുരുതരതയിലേക്കെത്തിക്കും